“Şəhərsalma və memarlıq ili” çərçivəsində Şahbuz rayonunda ətraf mühitin mühafizəsi və ekoloji vəziyyətin yaxşılaşdırılması istiqamətində növbəti tədbir reallaşdırılıb.
11 aprel 2026-cı il tarixində keçirilən aksiya zamanı rayonun bütün yaşıllıq zolaqlarında genişmiqyaslı aqrotexniki qulluq işləri aparılıb. Tədbir çərçivəsində ağacların quru budaqları kəsilərək ərazidən daşınıb, suvarma arxları yenilənib və ağac gövdələri zərərvericilərdən qorunmaq məqsədilə xüsusi məhlulla ağardılıb. Eyni zamanda, gülkarlıqlarda səliqə-sahman yaradılıb, mövcud yaşıllıqların bərpası üçün əraziyə yeni tinglər əkilib.
Qeyd edək ki, rayonun estetik görünüşünün qorunması və ekoloji tarazlığın təmini məqsədilə həyata keçirilən bu işlər yaz mövsümündə xüsusi diqqət mərkəzində saxlanılır. Şahbuz rayonunda yaşıllıqların mühafizəsi və artırılması istiqamətində tədbirlər təsdiq olunmuş illik plana uyğun olaraq davam etdiriləcək.
.jpeg) |
 |
.jpeg) |
.jpeg) |
.jpeg) |
.jpeg) |