10 may 2026-ci il tarixində Şahbuz Rayon Mədəniyyət Sarayında Ümummilli Lider Heydər Əliyevin anadan olmasının 103-cü ildönümü münasibətilə Şahbuz Rayon İcra Hakimiyyətinin təşkilatçılığı ilə konsert proqramı təşkil olunub.
Tədbir iştirakçıları əvvəlcə Ulu Öndər Heydər Əliyevin və Azərbaycanın ərazi bütövlüyü uğrunda canından keçmiş şəhidlərin əziz xatirəsini bir dəqiqəlik sükutla yad ediblər. Daha sonra Azərbaycan Respublikasının dövlət himni səsləndirilib.
Tədbirdə Şahbuz Rayon İcra Hakimiyyətinin başçısı Rəfael Babayev, Naxçıvan Muxtar Respublikası Ali Məclisinin deputatları, hüquq-mühafizə orqanlarının rəhbərləri və ictimaiyyət nümayəndələri iştirak ediblər.
Konsertdə tanınmış ifaçılar və kollektivlər səhnəyə çıxaraq tamaşaçılara rəngarəng musiqi və rəqs nömrələri təqdim ediblər.
Mədəniyyət Sarayının yallı qrupu tərəfindən təqdim olunan milli rəqslər tədbirə xüsusi rəng qatıb.
Tədbir tamaşaçılar tərəfindən böyük maraq və alqışlarla qarşılanıb.
 |
.jpeg) |
.jpeg) |
 |
.jpeg) |
.jpeg) |